[ناصرة السنة]

السلام عليكم ورحمه الله وبركاته
ارجو من الله ان تقولوا لى هل تصرفت عائلتى فى موضوع خطبتى التى لم تتم ام لا ؟
تقدم لى انسان سلفى ومتدين وملتزم جدا وملتحى ولكن قبل انعقاد الخطبه الاربع مرات اللى جه عندنا لم يشترى اى هدايا لى باالاضافه انه قال مفيش دبله لانها عاده نصرانيه ومفيش تصوير لان احنا بنحط مقياس رضا ربنا فى كل حاجه ومفيش فستان خطوبه لان تاجيره ب900 جنيه وكتب الكتاب حيكون فى شوال بعد 5 شهور علما بان الفرح حيكون بعد سنه او سنه ونصف طبعا والدى موافقش على ان كتاب الكتاب يبقى فترة كبيرة وقال كتب الكتاب يكون قبل الفرح بشهر اوشهرين وايضا هذا العريس كان يريد شقه ايجار جديد وليس تمليك فوافق ابى حتى لايسبب زعلى وطبعا لم يقرا الفاتحه لانها لم ترد فى ديننا وقال فيما معناه ان مفيش تليفزيون ووالدى قعد مع نفسه وسال صديق له وقاله الكلام ده غلط ان بنتى متزوجه لسلفى وجاب لها شقه تمليك وتليفزيون ودبله ومتخليش عريس ابنتك يمشى كلامه عليك من الاول وفى اليوم التالى تحدث ابى له وقال له تعالى انا عايزك نصف ساعه فقاله ان عندى مشوار تبع عملى ومسافر بالليل وحيشوف حيعمل ايه وبعدها بحبه والده كلم بابا وقاله باللفظ انت مش ابنى كان عندك امبارح انت كل شويه بتجيبه وتوديه وهو بيسافر للقاهرة لان عمله بالقاهرة ماتقول عايز ايه فى التليفون فقال له بابا مينفعش فى التليفون انا عايزه نصف ساعه فقال له والد العريس يعنى انت حتحل مشكله الشرق الاوسط خلاص اعتبر الموضوع منتهى فبابا قاله وماله وشكرا وقفل السماعه هكذا بساطه انتهى موضوعى وكما شعرت بالحزن والضيق لانى شعرت بان ربنا حرمنى منه عشان ذنوبى علما بانى احاول دائما التقرب من الله واريد انسان متدين وتقى جدا جدا ومستواه المادى متوسط هل اخطاءنا معا عشان تراجعنا فى كلامنا معهم وسألنا الناس ؟ هل هو بخيل ؟ علما بانه جاء لنا اربع مرات ولم يحضر معه اى هديه وكيف اقنع اهلى بانى اريد الزواج من انسان سلفى لانى اهلى طيبين جدا ولكنهم بيحكموا العرف والدبله والكلام اللى ملوش لازمه ده افيدونى هل اخطاءنا معه واسفه جدا على الاطاله وجزاكم الله خيرا؟ ارجو ان تريحونى لانى اشعر بتانيب الضمير رغم ان الموضوع انتهى
والسلام عليكم ورحمه الله وبركاته


الجواب :

وعليكم السلام ورحمة الله وبركاته
وأعانك الله .

ليس للآباء التصرّف في حياة أولادهم - أبناء وبنات - وفق أهوائهم ، ولا وفق عاداتهم وتقاليدهم ، ولا حسب ما يسمعونه من الناس .
فإذا رضيت الفتاة بالشاب ، ولم يكن فيه ما يُعاب دِينا وخُلُقا ، فلا يجوز للوليّ ردّ الخاطب حينئذ ؛ لأن الأمر أمْر الفتاة وحياتها ، وهي التي سوف تعيشها .
وكل ما على الوليّ هو تقديم النصح والمشورة ، وولايته لا تتعدّى إلى قبول هذا ورفض ذاك لأجل توافه الأمور ، وإنما ولايته في العقد وقبول من يُرضى دينه وخُلُقه ، امتثالا لأمره عليه الصلاة والسلام .

وكان النبي صلى الله عليه وسلم يُزوِّج الرجل من أصحابه على ما تيسّر .
فقد قال لأحد أصحابه : التمس ولو خاتما من حديد ، كما في الصحيحين .
وقال له عليه الصلاة والسلام في آخر الأمر : قد زوجناكها بما معك من القرآن .

وسبق بيان بساطة وتواضع ولائم الصحابة ومهورهم هنا :

لقد أُهديت إلـيّ وما تحـتنا إلاَّ جلد كبش !
http://al-ershaad.net/vb4/showthread.php?t=2064

وسبق توجيه نصيحة للآباء هنا :

أيها الآباء .. لا تبغوا الفساد في الأرض !
http://al-ershaad.net/vb4/showthread.php?t=2065

والله تعالى أعلم .

المجيب الشيخ/ عبدالرحمن السحيم